गौशाला — गौशाला नगरपालिका-४, रजखोर (पछबरिया टोल) मा अवस्थित गौशाला बहु सांस्कृतिक कला केन्द्रले समा–चकेवा प्रतियोगिता आयोजना गर्ने भएको छ ।

आगामी २०८२ मंसिर १८ गते, मंगलबार बेलुका ६ बजे हुने उक्त प्रतियोगिता स्थानीय परम्परालाई जीवित राख्दै सामुदायिक सहभागिता बढाउँदै स्थानीय संस्कृतिको संरक्षण र सांस्कृतिक अभ्यासलाई प्रोत्साहन गर्ने उद्देश्यले आयोजना गरिएको हो ।

आयोजकले सबै टोल तथा समूहलाई परम्परागत विधिअनुसार समा–चकेवा खेल्नका लागि प्रतिस्पर्धामा सहभागी हुन आग्रह गरेको छ । प्रतियोगितामा आकर्षक प्रथम पुरस्कार: नगद रु ३०००, द्वितीय पुरस्कार नगद रु २०००, तृतीय पुरस्कार नगद रु १००० र प्रशंसापत्रको व्यवस्था गरिएको छ ।

प्रतियोगितामा सहभागी हुने समूहहरूले २०८२/०७/१७ गते दिउँसो १० बजे भित्र नाम दर्ता गराउनु पर्नेछ । नाम दर्ता गर्नका लागि 9817877718 र 9824894456 सम्पर्क नम्बरहरूमा सम्पर्क गर्न सकिन्छ ।

आयोजकका अनुसार समा–चकेवा पर्वको स्थानीय परम्परा जोगाउँदै, युवा र बालबालिकामा सांस्कृतिक अभ्यासको महत्त्वलाई बढावा दिन यो प्रतियोगिता आकर्षक र मनोरञ्जनात्मक हुने अपेक्षा गरिएको छ ।